Vantaxes da pertenza á Rede Eusumo

As entidades colaboradoras adheridas á Rede obterán as seguintes vantaxes:
a)    Beneficios propios dunha colaboración en rede, compartindo esforzos e resultados con outras entidades con intereses similares, acadando ademais unha rendibilidade dos medios e recursos utilizados para o fomento do emprendemento cooperativo, a economía social e o desenvolvemento local
b)    Utilización dos diferentes centros da Rede para as actividades da propia entidade sempre que as mesmas se adecúen aos obxectivos xerais da Rede especificados no artigo 3. Estas actividades deberán ser incorporadas na programación da Rede Eusumo previa autorización expresa da entidade colaboradora titular do centro.
c)    Poderán ser beneficiarias dos diferentes apoios e incentivos que a Consellería de Traballo e Benestar promova para o impulso do cooperativismo e a economía social.
Especificamente terán prioridade no aproveitamento de aqueles recursos e medios que a Consellería de Traballo e Benestar elabore para o fomento do cooperativismo e a economía social e poña a disposición da Rede. A Consellería impulsará diversas medidas de fomento e incentivo para a creación de emprego baixo a fórmula cooperativa e da economía social.
Asemade porá a disposición das entidades colaboradoras e da Rede Eusumo en xeral, os seguintes medios e recursos:
−    Medios técnicos necesarios para as labores de formación, información e asesoramento nos Centros da Rede Eusumo.
−    Recursos didácticos e material divulgativo.
−    Elementos e accións para a promoción, difusión e coñecemento do cooperativismo e a economía social tales como exposicións itinerantes, escola cooperativa móbil e calquera outro elemento e acción considerado para tal fin.
−    Documentación de apoio en repositorios virtuais.
−    Espazos web de apoio ao emprendemento cooperativo e da economía social, como son:

www.eusumo.coop
www.cooperativasdegalicia.com
www.teleformacioncooperativa.com